નવરાત્રિના કારણે ભારત પાકિસ્તાન મેચની તારીખ ફેરફાર

 

નવરાત્રિના કારણે ભારત પાકિસ્તાન મેચની તારીખ ફેરફાર : વર્લ્ડ કપમાં ભારત-પાકિસ્તાનની મેચ હવે એક દિવસ પહેલા એટલે કે 15 ઓક્ટોબરના બદલે 14 ઓક્ટોબરે રમાશે. તારીખ ચોક્કસપણે બદલાઈ ગઈ છે, પરંતુ મેચ અમદાવાદના નરેન્દ્ર મોદી સ્ટેડિયમમાં જ રમાશે.

નવરાત્રિને ધ્યાનમાં રાખીને બીસીસીઆઈએ આઈસીસીની સહમતિથી આ નિર્ણય લીધો છે. જો કે હજુ સુધી તેની સત્તાવાર પુષ્ટિ થઈ નથી. જો મીડિયા રિપોર્ટ્સનું માનીએ તો ટૂર્નામેન્ટના શેડ્યૂલમાં અન્ય કેટલાક મોટા ફેરફાર કરવામાં આવ્યા છે. આજે થોડા સમય બાદ તમામ ફેરફારોની જાહેરાત થઈ શકે છે.

15મી ઓક્ટોબરના દિવસે નવરાત્રિનો પહેલો દિવસ

નવરાત્રીનો પહેલો દિવસ 15 ઓક્ટોબરે આવી રહ્યો છે. આવી સ્થિતિમાં સુરક્ષા એજન્સીઓએ BCCIને નવરાત્રિ તહેવારને કારણે તારીખ બદલવા માટે એલર્ટ કરી દીધું છે. એક સૂત્રએ કહ્યું હતું કે એજન્સીઓએ અમને આ વિશે જણાવ્યું છે અને અમે ચર્ચા કરી રહ્યા છીએ, ટૂંક સમયમાં નિર્ણય લેવામાં આવશે.

વર્લ્ડ કપ દરમિયાન માત્ર નવરાત્રિ જ નહીં પરંતુ દીપાવલી અને દશેરા જેવા તહેવારો પણ આવવાના છે. આવી સ્થિતિમાં BCCIને મેચ કરાવવા માટે ઘણી મુશ્કેલીઓનો સામનો કરવો પડી શકે છે.

નવરાત્રિના કારણે ભારત પાકિસ્તાન મેચની તારીખ ફેરફાર

વાસ્તવમાં 15 ઓક્ટોબરથી નવરાત્રિ શરૂ થઈ રહી છે. આ નવ દિવસીય ઉત્સવ ગુજરાતમાં ખૂબ જ ધામધૂમથી ઉજવવામાં આવે છે. દેશ-વિદેશમાંથી લોકો આવે છે. ભારત-પાકિસ્તાન મેચમાં પણ આવો જ માહોલ જોવા મળશે.

આવી સ્થિતિમાં, સુરક્ષા એજન્સીએ એક સાથે લાખો લોકોની સુરક્ષાને લઈને બીસીસીઆઈને પહેલેથી જ ચેતવણી આપી દીધી હતી. ત્યારથી ભારતીય ક્રિકેટ બોર્ડ નવી તારીખો વિશે વિચારી રહ્યું હતું.

વનડે વર્લ્ડ કપના શેડ્યુલમાં ફેરફારની અપેક્ષા

સૂત્રોના જણાવ્યા અનુસાર ભારત અને પાકિસ્તાન વચ્ચે આ શાનદાર મેચ હવે એક દિવસ પહેલા એટલે કે 14 ઓક્ટોબરે રમાશે. આ સિવાય વર્લ્ડ કપના શેડ્યૂલમાં કેટલાક અન્ય ફેરફારો પણ છે. આ તમામ ફેરફારોની જાહેરાત આજે થઈ શકે છે.

આ બધો ફેરફાર નવરાત્રીના તહેવારને કારણે કરવામાં આવી રહ્યા છે. હાલમાં જ આ મામલે BCCIના સેક્રેટરી જય શાહનું મોટું નિવેદન પણ સામે આવ્યું હતું. તેમણે કહ્યું હતું કે આ વર્ષે ભારત દ્વારા યોજાનાર વનડે વર્લ્ડ કપના શેડ્યૂલમાં ફેરફારની અપેક્ષા છે.

આગામી દિવસોમાં તેની જાહેરાત થઈ શકે છે. જય શાહે કહ્યું કે 2-3 સભ્ય બોર્ડે વર્લ્ડ કપના શેડ્યૂલમાં કેટલાક ફેરફાર કરવા અપીલ કરી છે.

ભારતીય ટીમનું નવું શિડ્યુલ

8 ઓક્ટોબર- ઓસ્ટ્રેલિયા સામે ચેન્નાઈમાં
11 ઓક્ટોબર- અફઘાનિસ્તાન સામે દિલ્હીમાં
14 ઓક્ટોબર- પાકિસ્તાન સામે અમદાવાદમાં
19 ઓક્ટોબર- બાંગ્લાદેશ સામે પુણેમાં
22 ઓક્ટોબર- ઇંગ્લેન્ડ સામે લખનૌમાં
2 નવેમ્બર- નેધરલેન્ડ સામે મુંબઈમાં
5 નવેમ્બર- દક્ષિણ આફ્રિકા સામે કોલકાતામાં
11 નવેમ્બર- શ્રીલંકા સામે બેંગલુરુમાં

નવરાત્રિમાં સુરક્ષા સૌથી મોટો મુદ્દો

બીસીસીઆઈના એક વરિષ્ઠ અધિકારીએ નામ ન જણાવવાની શરતે ધ ઈન્ડિયન એક્સપ્રેસ સાથેની વાતચીતમાં કહ્યું હતું કે, ‘અમને સુરક્ષા એજન્સીઓએ કહ્યું છે કે, ભારત-પાકિસ્તાન જેવી હાઈ પ્રોફાઈલ મેચ જોવા માટે લાખો લોકો અમદાવાદ પહોંચવાના છે.

તેવામાં નવરાત્રિના કારણે તે તારીખ આગળ કરવામાં આવી શકે છે. અમે અમારી પાસે રહેલા તમામ વિકલ્પો પર વિચાર કરી રહ્યા છીએ અને આ અંગે જલ્દી નિર્ણય લેવામાં આવશે’.

નરેન્દ્ર મોદી સ્ટેડિયમમાં રમાશે ચાર મેચ

ગત મહિનાના અંતમાં આઈસીસીએ વર્લ્ડ કપ માટેના શિડ્યૂલની જાહેરાત કરી હતી. જે પ્રમાણે 1.30 લાખની ક્ષમતા ધરાવતા નરેન્દ્ર મોદી સ્ટેડિયમમાં ચાર મેચ રમાવામાં આવે છે. જેમાં ન્યૂઝીલેન્ડ vs ઈંગ્લેન્ડ વચ્ચેની મેચથી ટુર્નામેન્ટની શરૂઆત થશે.

જે બાદ ભારત vs પાકિસ્તાન, ઈંગ્લેન્ડ vs ઓસ્ટ્રેલિયા તેમજ ફાઈનલ મેચ સામેલ છે. 10 ઓવરોમાં થનારા વર્લ્ડ કપની સેમીફાઈનલ મેચ મુંબઈ અને કોલકાતામાં રમાશે.

 

Conclusion

આ લેખ દ્વારા, અમે તમને નવરાત્રિના કારણે ભારત પાકિસ્તાન મેચની તારીખ ફેરફાર સંબંધિત તમામ મહત્વપૂર્ણ માહિતી પ્રદાન કરી છે. જો તમને હજુ પણ કોઈપણ પ્રકારની સમસ્યાનો સામનો કરવો પડી રહ્યો હોય તો તમે કોમેન્ટ બોક્સ માં કોમેન્ટ કરી,સંપર્ક કરો અમે તમારી સમસ્યાનો ઉકેલ આપીશું.